Jos 15 | Ndebele | STEP | Lenkatho yesizwe sabantwana bakoJuda ngokwensendo zabo yayisemngceleni weEdoma , inkangala yeZini ngeningizimu ephethelweni eningizimu .

1 Lenkatho yesizwe sabantwana bakoJuda ngokwensendo zabo yayisemngceleni weEdoma ^a, inkangala yeZini ngeningizimu ^b ephethelweni eningizimu ^c. 2 Lomngcele wabo weningizimu wawusuka ephethelweni loLwandle lweTshwayi, kusukela ethekwini elikhangela eningizimu ^d. 3 Waphuma waya eningizimu emqansweni weAkirabimi, wedlulela eZini, wenyuka usuka eningizimu kusiya eKadeshi-Bhaneya, wedlulele eHezironi, wenyukele eAdari, uphendukele eKarika ^e, 4 wedlulele eAzimoni ^f, uphumele esifuleni seGibhithe; lokuphuma komngcele kwakuselwandle. Lo uzakuba ngumngcele wenu eningizimu. 5 Njalo umngcele wempumalanga wawuluLwandle lweTshwayi, kusiya ephethelweni leJordani. Lomngcele ehlangothini lwenyakatho wasukela ethekwini lolwandle, kusukela ephethelweni leJordani. 6 Lomngcele wenyukela eBeti-Hogila ^g, wedlula kusuka enyakatho kusiya eBeti-Araba ^h; lomngcele wenyukela elitsheni likaBohani indodana kaRubeni ⁱ. 7 Lomngcele wenyukela eDebiri ^j kusuka esihotsheni seAkori ^k, usiya enyakatho ukhangele eGiligali, omaqondana lomqanso weAdumimi ^l, ongeningizimu kwesifula. Lomngcele wedlula usiya emanzini eEni-Shemeshi ^m, lokuphuma kwawo kwakuseEni-Rogeli ⁿ. 8 Lomngcele wenyuka ngesihotsha sendodana kaHinomu ^o usiya ehlangothini lwamaJebusi eningizimu, okuyiJerusalema ^p. Lomngcele wenyukela engqongeni yentaba ephambi kwesihotsha seHinomu entshonalanga ^q, elisephethelweni lesihotsha seziqhwaga enyakatho ^r. 9 Lomngcele wagoba usuka engqongeni yentaba kuze kube semthonjeni wamanzi eNefitowa ^s, waphumela emizini yentaba yeEfroni. Lomngcele wagoba usiya eBhahala ^t, okuyiKiriyathi-Jeyarimi ^u. 10 Lomngcele wabhoda usuka eBhahala ngentshonalanga waya entabeni yeSeyiri, wedlulele eceleni kwentaba yeJeyarimi, eyiKesaloni, wehlele eBeti-Shemeshi ^v, wedlule eThiminathi ^w. 11 Lomngcele waphuma uye eceleni kweEkhironi enyakatho ^x; lomngcele wagoba uye eShikeroni, wedlula intaba yeBhahala ^y, waphumela eJabineli; lokuphuma komngcele kwakuselwandle. 12 Lomngcele wentshonalanga wawululwandle olukhulu lokhumbi ^z. Lo ngumngcele wabantwana bakoJuda inhlangothi zonke ngokwensendo zabo.

UKalebi unqoba iHebroni leDebiri

13 Wasemupha uKalebi indodana kaJefune ^aa isabelo phakathi kwabantwana bakoJuda, ngokomlayo weNkosi kuJoshuwa, iKiriyathi-Arba, uyise kaAnaki, eyiHebroni. 14 UKalebi wasexotsha elifeni amadodana amathathu kaAnaki asuke lapho, uSheshayi loAhimani loTalimayi, abantwana bakaAnaki. ^ab 15 Wasesenyuka esuka lapho waya kwabahlali beDebiri ^ac. Lebizo leDebiri kuqala laliyiKiriyathi-Seferi.

16 UKalebi wasesithi ^ad: Lowo otshaya iKiriyathi-Seferi, ayithumbe, ngizamupha uAkisa indodakazi yami abe ngumkakhe. 17 UOthiniyeli indodana kaKenazi ^ae, umnawakhe kaKalebi, waseyithumba; wasemnika uAkisa indodakazi yakhe ukuba ngumkakhe. 18 Kwasekusithi ekufikeni kwakhe wamkhuthaza ukuthi acele kuyise insimu; wasesehla kubabhemi ^af, uKalebi wasesithi kuye: Ukhala ngani? 19 Wasesithi: Ngipha isibusiso ^ag. Njengoba ungiphe ilizwe elomileyo, ngipha njalo imithombo yamanzi. Wasemnika imithombo engaphezulu lemithombo engaphansi ^ah.

Imizi yesizwe sakoJuda

20 Leli yilifa lesizwe sabantwana bakoJuda ngokwensendo zabo. 21 Lemizi esukela ekucineni kwesizwe sabantwana bakoJuda kusiya emngceleni weEdoma yile: IKabhiseyeli ^ai leEderi ^aj leJaguri 22 leKina leDimona leAdada 23 leKedeshi ^ak leHazori leIthinani, 24 iZifi ^al leTelema leBeyalothi ^am 25 leHazori-Hadatha leKeriyothi, iHezironi okuyiHazori, 26 iAmama leShema leMolada ^{an
,} ^{ao
,} ^ap 27 leHazari-Gada leHeshimoni leBeti-Peleti ^aq 28 leHazari-Shuwali ^{ar
,} ^as leBherishebha leBiziyothiya ^{at
,} ^au, 29 iBhahala ^av leIyimi leEzema ^{aw
,} ^ax 30 leElitoladi ^{ay
,} ^az leKesili leHorma ^{ba
,} ^bb 31 leZikilagi ^{bc
,} ^bd leMadimana leSansana 32 leLebayothi leShilihimi ^be leEni ^{bf
,} ^bg leRimoni ^{bh
,} ^bi. Yonke imizi ingamatshumi amabili lesificamunwemunye lemizana yayo ^bj.

33 Esihotsheni: IEshitawoli ^bk leZora ^bl leAshina 34 leZanowa leEni-Ganimi, iTapuwa leEnama ^bm, 35 iJarimuthi ^bn leAdulamu ^bo, iSoko ^bp leAzeka ^bq 36 leShaharayimi ^br leAdithayimi leGedera ^bs leGederothayimi; imizi elitshumi lane lemizana yayo. 37 IZenani leHadasha leMigidali-Gadi ^bt 38 leDileyani leMizipa leJokhitheyeli ^bu, 39 iLakishi ^bv leBhozikhathi ^bw leEgiloni ^bx 40 leKhabhoni leLahimasa leKitilishi 41 leGederothi, iBeti-Dagoni, leNahama, leMakeda ^by; imizi elitshumi lesithupha lemizana yayo. 42 ILibhina ^bz leEtheri ^ca leAshani ^cb 43 leJifitha leAshina leNezibhi 44 leKeyila ^cc leAkizibi ^cd leMaresha ^ce; imizi eyisificamunwemunye lemizana yayo. 45 IEkhironi ^cf lemizi yayo lemizana yayo ^cg. 46 Kusukela eEkhironi kusiya elwandle, yonke eseceleni kweAshidodi lemizana yayo ^ch: 47 IAshidodi, imizi yayo lemizana yayo ^ci; iGaza ^cj, imizi yayo lemizana yayo ^ck; kusiya esifuleni seGibhithe ^cl, lolwandle olukhulu, lomngcele ^cm.

48 Lezintabeni: IShamiri leJatiri ^cn leSoko ^co 49 leDana leKiriyathi-Sana okuyiDebiri ^cp, 50 leAnabi leEshithemo leAnimi ^cq 51 leGosheni ^cr leHoloni ^cs leGilo ^ct; imizi elitshumi lanye lemizana yayo. 52 IArabi leDuma leEshani ^cu 53 leJanimi leBeti-Tapuwa ^cv leAfeka 54 leHumta leKiriyathi-Arba ^cw, okuyiHebroni, leZiyori; imizi eyisificamunwemunye lemizana yayo. 55 IMayoni ^cx, iKharmeli ^cy leZifi ^cz leJuta ^da 56 leJizereyeli leJokideyama leZanoya ^db, 57 iKayini, iGibeya leTimina ^dc; imizi elitshumi lemizana yayo. 58 IHalihuli, iBeti-Zuri leGedori ^dd 59 leMarathi leBeti-Anothi leElitekoni; imizi eyisithupha lemizana yayo. 60 IKiriyathi-Bhali, okuyiKiriyathi-Jeyarimi, leRaba; imizi emibili lemizana yayo ^de.

61 Enkangala: IBeti-Araba, iMidini leSekaka ^df 62 leNibishani, lomuzi wetshwayi, leEngedi; imizi eyisithupha lemizana yayo ^dg.

63 Kodwa amaJebusi, abahlali beJerusalema, abantwana bakoJuda babengelakho ukuwaxotsha elifeni; ngakho amaJebusi ahlala labantwana bakoJuda eJerusalema kuze kube lamuhla. ^dh